Para sa mga Overseas Workers

May ilang kaibigan at kamag-anak tayong piniling makipagsapalaran sa ibang bansa. Hangad nila na sa malaking oportunidad mayroon doon, mapaganda ang takbo ng kanilang pamilyang maiiwan sa Pilipinas. Magandang adhikain nga naman.

Nakikita ng BDO Unibank ang magandang adhikaing ito ng kapwa nya Filipino. Kaya naman upang mas lalo pang mapabuti ang kapakanan ng overseas Filipinos (OFs), mas palalakasin pa ng BDO ang kanilang ugnayan sa Department of Migrant Workers (DMW). Ang DMW ang sumasakop sa Philippine Overseas Employment Administration at Overseas Workers Welfare Administration.

Ano ang relasyon ng BDO at Department of Migrant Workers?

Nagsisilbing daan ang DMW upang maibahagi ng BDO ang kanilang programa para sa mga overseas Filipinos.

Ayon kay BDO senior vice president at Remittance head Genie T. Gloria, mas marami pa ang matutulungang kababayan sa abroad kung pagtitibayin lalo ang samahan ng BDO at DMW.

Ano ba ang mga programang ginagawa ng BDO at Department of Migrant Workers

Regular na nagsasagawa ang BDO, kasama ang DMW, ng mga pre-departure orientation seminars (PDOS) para sa mga paalis na overseas Filipinos.  Tinatalakay sa seminar na ito ang mga financial wellness planning at kahalagahan ng pag-iipon at pag-iinvest. Hindi rin kinakalimutan ituro ang pagkuha ng good loan para magpatakbo ng sariling negosyo sa kinalaunan.

Mga aral ng BDO sa mga Overseas Workers

BDO Kabayan Savings

Hindi nagkukulang magpaalala ang bangko sa mga overseas workers na magbukas ng savings account tulad ng BDO Kabayan Savings. Sa pamamagitan ng BDO Kabayan Savings, napananatiling ligtas at mabilis ang perang padala mula sa mga overseas Filipinos patungo sa kanilang pamilya sa Pilipinas. Nakapag-iimpok na rin sila ng pera rito dahil diretso sa Kabayan Savings ang pinapadalang remittance. Maganda rin na dahil meron silang BDO Kabayan Savings, mayroon silang mapakikitang bank record sa kalaunan na maisipan nilang makapag-loan para sa sariling negosyo.

Cash Agad partner-agents

“Para sa mga overseas Filipino beneficiaries na nakatira sa probinsya na malayo sa bangko o ATMs, may mahigit 10,000 Cash Agad partner-agents ang BDO sa iba’t-ibang sulok ng Pilipinas.  Sa pamamagitan nito, pwedeng nila magamit ang kanilang BDO Kabayan ATM card or any Philippine-issued ATM card para mag-withdraw ng kanilang remittance. Hanapin lang ang Cash Agad logo sa pinakamalapit na tindahan, grocery store, hardware, water refilling stations, atbp. Kahit sa mga islang malalayo, may Cash Agad,” ayon kay Gloria.

Mas maraming ATMs

Maliban sa Cash Agad, mas lumawak pa ang ATM network ng BDO dahil kabilang na dito ang ATMs na nasa loob ng mahigit 1,800 7-Eleven stores sa NCR, Cavite, Laguna, Batangas at Cebu. Free of charge na makapagwi-withdraw ang sinuman gamit ang kanilang BDO Kabayan at BDO ATM cards. ​

Parangal para sa BDO

Kamakailan, binigyan ng DMW ng plaque of appreciation ang BDO sa pagdiriwang ng Migrant Workers’ Day. Ang parangal ay upang pasalamatan ang bangko sa naging kontribusyon nito sa welfare ng overseas Filipinos lalo na nitong pandemya. Kabilang sa efforts ng BDO, mula sa remittance service brand BDO Remit, ay ang pagbigay ng internet connectivity sa classrooms ng ahensya para maipagpatuloy ang kanilang PDOS online. Ito naman ay para sa mga Pinoy na paalis ng bansa na inabutan ng pandemya.

Sadyang marami at marami pang magagawa ang BDO para sa ikauunlad ng mga Overseas Workers. Nakatutuwa rin malaman na nakikita ng Department of Migrant Workers ang mga serbisyong ginagawa ng BDO. Tunay ngang masasabing, sa BDO, we find ways.